Saltu d'altura

El saltu d'altura^[1][2] ye una prueba d'atletismu que tien por oxetivu devasar una barra horizontal, denomada llistón, asitiada a un altor determináu ente dos soportes verticales dixebraos a unos 4 metros. El saltador empecipia la so competencia nel altor qu'envalore oportuna y dispón de tres intentos pa superala. Una vegada superada l'altor, el llistón asítiase 3, 4, 5 y delles vegaes 6 cm más arriba, dependiendo de la normativa de la competición que s'apueste, y l'atleta dispón d'otros trés nuevos intentos pa superalo, pudiendo arrenunciar a esi altor y solicitar una cimera, y asina socesivamente hasta qu'incurra en tres intentos fallíos de forma consecutiva, qu'impliquen la so eliminación d'esta prueba.

El saltu d'altura na so modalidá masculina forma parte del programa d'atletismu nos Xuegos Olímpicos modernos dende la so primer edición d'Atenes 1896. La modalidá femenina nun debutaría hasta los Xuegos d'Ámsterdam 1928.

1. ↑ Esti términu apaez nel Diccionariu de l'Academia de la Llingua Asturiana. Ver: altura
2. ↑ David Fernández (8 de xunetu de 2021). Terminoloxía de deportes y pruebes olímpiques. Centru de Terminoloxía Asturiana.